er ei lita hyttegrend ved Hafslovatnet, i Luster kommune, 18 km frå Sogndal. Hyttene, som er lafta, har eigen båt- og badeplass og ligg solrikt til med fantastisk utsikt.

Gløtten Hytter er ideelt for deg som vil ha ein stille ferie med avkobling, fiske, fotturar og spennande rundturar i det beste området Norge kan by på.

Hafslovatnet og hafsloauren er vide kjent. Det er ikkje uvanleg å få fiskar på over 2 kg.

Gløtten Hytter ligg sentralt til for å nå dei viktigaste reisemåla i regionen: Nigardsbreen, Urnes stavkyrkje og Jotunheimen. Solvorn og Veitastrond er absolutt verd eit besøk.
Sameleis er det eit fint utgangspunkt for dagsturar til Flåmsbana, Fjærland, Balestrand og Sognefjellet. Jamvel ein tur til Bergen tek berre fire timar.

Hyttene er nye og velutstyrte med stove, 2 soverom, kjøken og bad. Mot Hafslovatnet har hyttene ein møblert balkong.

Bruk av båt er gratis. Kano og sykkel kan leigast. Parkering tett ved hyttene.
I Hafslo sentrum (1,7 km) finn du butikk, post, bank, bakar, og kafe.

På desse sidene finn du meir om Gløtten Hytter og alle tilboda i nærleiken.Ta kontakt så skal me syta for at du får eit minneverdig opphald i Sogn.